ALMAYA FELLOWSHIP

womens

ആത്മായസംഘടന

കഴിഞ്ഞ ഏതാനും വര്‍ഷങ്ങളായി കാര്യമായ പ്രവര്‍ത്തനം ഇല്ലാതിരുന്ന ആത്മായ സംഘടന കൂടുതല്‍ ഫലപ്രദമായി നടത്താനുള്ള ആലോചനകള്‍ക്കായി 2015 ജൂലൈ 18–ാം തീയതി ആരാധനയ്ക്കു ശേഷം ഒരു യോഗം വിളിച്ചു ചേര്‍ക്കുകയുണ്ടായി. 50–ല്‍ അധികം ആളുകള്‍ പങ്കെടുത്തു.
kmsഇടവകപ്പട്ടക്കാരന്‍ റവ. സാം റ്റി. മാത്യു അച്ചന്‍ അദ്ധ്യക്ഷത വഹിച്ചു. തന്റെ ആമുഖ പ്രസംഗത്തില്‍ ഒരു സഭയില്‍ അത്മായ സംഘടനയുടെ ആവശ്യം, എങ്ങനെ അംഗങ്ങളെ ശക്തരാക്കാം, ഏതു രീതിയില്‍ പ്രവര്‍ത്തിക്കണം, എപ്രകാരം അത്‌ സഭയക്ക്‌ പ്രയോജനപ്പെടുത്താം, ജില്ല, കേന്ദ്ര അത്മായ നേതൃത്വവുമായി ചേര്‍ന്ന്‌ എന്തൊക്കെ ചെയ്യാന്‍ സാധിക്കും എന്നുള്ള കാര്യങ്ങള്‍ വിശദീകരിച്ചു. അത്മായ സംഘടനയില്‍ നേരത്തെ പ്രവര്‍ത്തിച്ചിരുന്ന പലരും അഭിപ്രായങ്ങളും നിര്‍ദ്ദേശങ്ങളും സമര്‍പ്പിക്കുകയുണ്ടായി. ചര്‍ച്ചകള്‍ക്ക്‌ ശേഷം ഒരു താല്‍ക്കാലിക കമ്മറ്റിയെ തെരഞ്ഞെടുക്കാനും എല്ലാ രണ്ടാം ഞായറാഴ്‌ചയും അത്മായ സംഘടനയുടെ യോഗം ചേരണമെന്നും തീരുമാനിച്ചു. അംഗങ്ങളെ ചേര്‍ക്കുന്ന പ്രക്രിയ പൂര്‍ത്തീയായ ശേഷം തെരഞ്ഞെടുപ്പു നടത്തി ഭാരവാഹികളെ തെരഞ്ഞെടുക്കണമെന്നും തീരുമാനിച്ചു.

തുടര്‍ന്ന്‌ കണ്ണമ്മൂല വൈദിക സെമിനാരി എം.റ്റി.എച്ച്‌. വിദ്യാര്‍ത്ഥി റവ. അനില്‍ കുമാര്‍ അനുഗ്രഹകരമായ ഒരു ദൂത്‌ നല്‌കി. അന്നേ ദിവസം സെമിനരിക്കു വേണ്ടി പിരിച്ചെടുത്ത 24000/– രൂപ ഇടവക വികാരി അദ്ദേഹത്തിന്‌ കൈമാറി.

താല്‍കാലിക കമ്മറ്റി ഭാരവാഹികള്‍

  • റവ.സാം മാത്യു k–പ്രസിഡന്റ്
  • ഡോ. തോമസ്‌ മാത്യു–വൈ. പ്രസിഡന്റ്‌
  • ഇട്ടി ചെറിയാന്‍–സെക്രട്ടറി
  • മേരിക്കുട്ടി കുരുവിള–ജോ. സെക്രട്ടറി

കമ്മറ്റി അംഗങ്ങള്‍

  • മാത്യു വര്‍ഗ്ഗീസ്‌
  • അന്നമ്മ കുരുവിള
  • അന്നമ്മ ജേക്കബ്‌

ആത്മായ സംഘടന വാര്‍ഷിക റിപ്പോര്‍ട്ട്

കോടുകുളഞ്ഞി സി. എസ്. ഐ. ക്രൈസ്റ്റ് ചര്‍ച്ച് ആത്മായ സംഘടനയുടെ 2016-2017ലെ പ്രവര്‍ത്തനങ്ങള്‍ അനുഗ്രഹപ്രദമായി നടത്തിത്തരുന്ന കൃപയ്ക്കായി ദൈവത്തിന് സ്തോത്രം ചെയ്യുന്നു. എല്ലാ മാസത്തിന്‍റെയും രണ്ടാം ഞായറാഴ്ച ആരാധന കഴിഞ്ഞ് ആത്മായ സംഘടനയുടെ യോഗം പാരീഷ് ഹാളില്‍ വച്ച് നടക്കുന്നു. വെള്ളിയാഴ്ചകളില്‍ ഉച്ച കഴിഞ്ഞ് സഭയിലെ അസുഖത്തിലും വാര്‍ദ്ധക്യ സഹജമായ പ്രയാസത്തിലും കഴിയുന്നവരുടെ ഭവനങ്ങള്‍ സന്ദര്‍ശിക്കുവാനും അവര്‍ക്ക് വേണ്ടി പ്രാര്‍ത്ഥിക്കുവാനും കഴിയുന്നു. ഇത് തുടര്‍ന്ന് നടത്തുവാന്‍ ദൈവം സഹായിക്കട്ടെ എന്ന് പ്രാര്‍ത്ഥിക്കുന്നു.

2016 ജൂലൈ 16-ാം തീയതി നമ്മുടെ ദേവാലയത്തില്‍ വച്ച് കോടുകുളഞ്ഞി വൈദീക ജില്ല ആത്മായ ഫെലോഷിപ്പിന്‍റെ നേതൃത്വത്തില്‍ നടന്ന ജില്ലാ കൂട്ടായ്മയില്‍ സഭാ വിശ്വാസികള്‍ പ്രാര്‍ത്ഥനയോടുകൂടി സംബന്ധിച്ച് കൂട്ടായ്മ വളരെ അനുഗ്രഹപ്രദമാക്കിത്തീര്‍ത്തു. ജില്ലാ കൂട്ടായ്മയുടെ വിജയത്തിന് വേണ്ടി പ്രാര്‍ത്ഥിക്കുകയും ക്രമീകരണങ്ങള്‍ക്ക് നേതൃത്വം വഹിക്കുകയും ചെയ്ത ബഹുമാനപ്പെട്ട റവ. സാം മാത്യു കാവുങ്കല്‍ അച്ചനോടും ചര്‍ച്ച് വാര്‍ഡന്‍സിനോടും കമ്മിറ്റി അംഗങ്ങളോടുമുള്ള നന്ദി അറിയിക്കുന്നു.

2016 ആഗസ്റ്റ് മാസം 7-ാം തീയതി ആത്മായ ഞായര്‍ ആയി നടത്തിയ ആരാധനയില്‍ ആത്മായ സംഘടന അംഗങ്ങള്‍ നേതൃത്വം നല്കി. 2016 ഒക്ടോബര്‍ 1-ാം തീയതി കോട്ടയം മാങ്ങാനത്തു വച്ചു നടത്തപ്പെട്ടതായ മഹായിടവക ആത്മായ ഫെലോഷിപ്പ് വാര്‍ഷിക സമ്മേളനത്തില്‍ ഇടവകയില്‍നിന്നും ആത്മായര്‍ പങ്കെടുത്തു. നവംബര്‍ മാസം 12, 13 തീയതികളില്‍ കോട്ടയത്തു വച്ചു നടന്നതായ മിഷനറി ആഗമന ദ്വിശതാബ്ദി ആഘോഷങ്ങളിലും നമ്മുടെ ഇടവകയില്‍ നിന്നും ആത്മായര്‍ക്ക് പങ്കെടുക്കുവാന്‍ ദൈവം സഹായിച്ചു. 2016 ഒക്ടോബര്‍ 8-ാം തീയതി കൊഴുവല്ലൂര്‍ സെന്‍റ് ആന്‍ഡ്രൂസ് സി.എസ്.ഐ. ദേവാലയത്തില്‍ വച്ച് നടത്തപ്പെട്ട ആത്മായ സംഘടന ജില്ലാ കൂട്ടായ്മയിലും ഇടവകയില്‍ നിന്നും സഭാവിശ്വാസികള്‍ പങ്കെടുത്തു. 2016 മാര്‍ച്ച് 11-ാം തീയതി ആത്മായ ഫെലോഷിപ്പിന്‍റെ നേതൃത്വത്തില്‍ ചെറുവല്ലൂര്‍ സെന്‍റ് തോമസ് സി.എസ്.ഐ. പള്ളിയില്‍ വച്ച് നടന്ന ജില്ലാ കൂട്ടായ്മയിലും ആത്മായര്‍ സംബന്ധിച്ചു.

ആത്മായ സംഘടനയുടെ പ്രവര്‍ത്തനങ്ങള്‍ക്ക് ആവശ്യമായ ഉപദേശം നല്‍കുകയും ആത്മായ സംഘടനയുടെ യോഗങ്ങളില്‍ അനുഗ്രഹപ്രദമായ ദൂതു നല്‍കുകയും എല്ലാവിധ സഹായ സഹകരണവും നല്‍കി ആത്മായരെ നയിക്കുന്ന ബഹുമാനപ്പെട്ട റവ. സാം മാത്യു അച്ചനോടുള്ള നന്ദി അറിയിക്കുന്നു. അതോടൊപ്പം അവശ്യസമയങ്ങളില്‍ എല്ലാ സഹായവും നല്കുന്ന ചര്‍ച്ച് കമ്മറ്റി, സ്ത്രീജനസഖ്യം, യൂത്ത്മൂവ്മെന്‍റ് അംഗങ്ങളോടുള്ള നന്ദിയും അറിയിക്കുന്നു. ആത്മായ സംഘടനയുടെ പ്രവര്‍ത്തനങ്ങള്‍ക്ക് ആവശ്യമായ സഹായം തരുന്ന മി. എം. എം. മത്തായിയോടും, മി. ഡി. കെ. തോമസിനോടും ഉള്ള നന്ദി അറിയിക്കുന്നു.

ആത്മായ സംഘടനയുടെ പ്രവര്‍ത്തനങ്ങള്‍ കൂടുതല്‍ അനുഗ്രഹപ്രദവും ഫലപ്രദവും ആകുവാന്‍ അംഗങ്ങളുടെ പ്രാര്‍ത്ഥനയോടുകൂടിയുള്ള സഹകരണം ആവശ്യമാണ്. ആത്മായ സംഘടനയുടെ പ്രവര്‍ത്തനങ്ങള്‍ ഏറ്റവും അനുഗ്രഹപ്രദമാകുവാന്‍ ദൈവം സഹായിക്കട്ടെ എന്ന് പ്രാര്‍ത്ഥിച്ചുകൊണ്ട് ഈ റിപ്പോര്‍ട്ട് ഉപസംഹരിക്കുന്നു.
ദൈവം നമ്മെ ഓരോരുത്തരേയും അനുഗ്രഹിക്കട്ടെ.

ആത്മായ സംഘടന വാര്‍ഷിക റിപ്പോര്‍ട്ട്

കോടുകുളഞ്ഞി സി.എസ്.ഐ. ക്രൈസ്റ്റ് ചര്‍ച്ച് ആത്മായ സംഘടനയുടെ ഒരു പ്രത്യേക യോഗം 2015 ജൂലൈ 19-ാം തീയതി ഞായറാഴ്ച ആരാധന കഴിഞ്ഞ് റവ. ഡോ. സാം റ്റി. മാത്യു അച്ചന്‍റെ അദ്ധ്യക്ഷതയില്‍ പാരീഷ് ഹാളില്‍ വച്ച് നടന്നു.

ആത്മായ സംഘടനയുടെ പ്രവര്‍ത്തനങ്ങളെക്കുറിച്ച് ചര്‍ച്ച ചെയ്യുകയും കൂടുതല്‍ കാര്യക്ഷമമാക്കുന്നതിനും യോഗം തീരുമാനിച്ചു. ചര്‍ച്ചകള്‍ക്ക് ശേഷം ഒരു താല്ക്കാലിക കമ്മറ്റിയെ തെരഞ്ഞെടുത്തു. എല്ലാ മാസത്തിന്‍റെയും രണ്ടാം ഞായറാഴ്ച ആരാധന കഴിഞ്ഞു ആത്മായ സംഘടനയുടെ യോഗം പാരീഷ് ഹാളില്‍ വച്ച് കൂടുവാനും തീരുമാനിച്ചു.

അംഗത്വ ഫീസായ 10 രൂപ കൊടുത്ത് 200 പേര്‍ ആത്മായ സംഘടനയില്‍ അംഗങ്ങളായി ചേര്‍ന്നു. കോടുകുളഞ്ഞി സി.എസ്.ഐ. ക്രൈസ്റ്റ് ചര്‍ച്ചിന്‍റെ ആത്മായ സംഘടന മഹായിടവക ഓഫീസില്‍ രജിസ്ട്രേഷന്‍ ഫീസ് ആയ 50 രൂപ അടച്ച് രജിസ്റ്റര്‍ ചെയ്തു.

2015 ആഗസ്റ്റ് 2-ാം തീയതി ആത്മായ ഞായറാഴ്ചയിലെ ആരാധനയില്‍ ആത്മായ സംഘടനാ അംഗങ്ങള്‍ നേതൃത്വം നല്‍കി. അന്നത്തെ കവര്‍ പിരിവിലൂടെ 8700 രൂപ ലഭിച്ചു. ഒക്ടോബര്‍ മാസം 2-ാം തീയതി മുണ്ടക്കയം സി.എസ്.ഐ. ഹോളി ട്രിനിറ്റി പള്ളിയില്‍ വച്ച് നടന്ന മഹായിടവക ആത്മായ ഫെലോഷിപ്പിന്‍റെ വാര്‍ഷിക സമ്മേളനത്തില്‍, ഇടവക വികാരിയും ആത്മായ സംഘടനയുടെ പ്രസിഡന്‍റുമായ റവ. ഡോ. സാം റ്റി. മാത്യു അച്ചന്‍റെ നേതൃത്വത്തില്‍ ആത്മായര്‍ പങ്കെടുത്തു. ഒക്ടോബര്‍ 10-ാം തീയതി ആലാ സി.എസ്.ഐ. പള്ളിയില്‍ വച്ച് നടന്നതായ കോടുകുളഞ്ഞി വൈദിക ജില്ല ആത്മായ ഫെലോഷിപ്പിന്‍റെ നേതൃത്വത്തില്‍ നടത്തപ്പെട്ട ജില്ലാ കൂട്ടായ്മയിലും നമ്മുടെ സഭയില്‍ നിന്നും പങ്കെടുത്തു.

ആത്മായ സംഘടനയായി സഭയിലെ ഏതാനും രോഗികളെയും വാര്‍ദ്ധക്യത്തിന്‍റെ പ്രയാസത്തിലായിരിക്കുന്നവരെയും ആശുപത്രിയിലും, ഭവനത്തിലും സന്ദര്‍ശിക്കുന്നതിന് സാധിച്ചു. ദൈവാനുഗ്രഹത്താല്‍ ഇത് തുടരുവാന്‍ സാധിക്കും എന്ന് കരുതുന്നു.

ആത്മായ സംഘടനയുടെ പ്രവര്‍ത്തനങ്ങള്‍ കൂടുതല്‍ ഫലപ്രദമാകുവാന്‍ അംഗങ്ങളുടെ പ്രാര്‍ത്ഥനയോടുകൂടിയുള്ള സഹകരണം ആവശ്യമാണ്. എല്ലാ മാസത്തിന്‍റെയും രണ്ടാം ഞായറാഴ്ച ആരാധന കഴിഞ്ഞ് ആത്മായ സംഘടനയുടെ യോഗം പാരീഷ് ഹോളില്‍ കൂടുമ്പോള്‍ എല്ലാ അംഗങ്ങളും സംബന്ധിക്കുന്നത് അനുഗ്രഹപ്രദമായിരിക്കും.

1 vote, average: 5.00 out of 51 vote, average: 5.00 out of 51 vote, average: 5.00 out of 51 vote, average: 5.00 out of 51 vote, average: 5.00 out of 5 (1 votes, average: 5.00 out of 5)
You need to be a registered member to rate this post.

Loading ... Loading ...

Download Church History

File Details - Acrobat File
File Size - 28 MB
 
Download Now!

Newsletter

This website is for informative & non-profit purposes. Due care has been taken to check the content posted here. In the rare event, that any content posted here is found to be inappropriate or objectionable, please bring this to our notice.

Back to Top